港大教授劉宇隆噚日開記者會，介紹一套關於兒童疾病嘅新書，劉教授唔只係編輯委員會主席，仲誨人不倦。
記者去記者會，當然係乜都問，噚日有記者問套新書提及嘅一種新療法，有乜副作用、藥費幾錢等問題，點知劉教授忽然嚟料，指示記者應該集中報道新書發佈，令市民對疾病有多啲認識，而唔應該成日問新療法、醫藥費等問題。
一般市民有病，固然想了解個病，不過對療法同醫藥費，冇理由想一無所知，八方唔知點解劉教授會認為市民想知啲唔知啲，仲以訓斥口脗同記者講，指記者要教育自己上司，唔好為銷量而做譁眾取寵報道。在場行家聽到外行人教內行人，無不O晒嘴。