南韓響今屆外圍賽雖然表現只屬一般,以小組次名出線,但睇番佢哋近期喺友誼賽,當中對過3支非洲球隊,錄得1勝1和1負,有助南韓更加認識非洲球隊嘅踢法。
多哥首次晉身世界盃決賽周,論經驗同整體人腳都比較差,前線數糊人物只不過係阿仙奴嘅艾迪比耶,睇番佢哋響年頭喺非洲國家盃表現,3場全部輸晒,咁嘅表現又點揀得落手?一於半個博一個揀讓球主勝。
另一場心水係巴西對克羅地亞。巴西有幾勁相信唔使我多講大家都知,響F組直頭超晒班,但係睇過千里達喺少踢一人嘅情況下,都可以摸和瑞典,相信巴西響頭場都唔會咁輕敵,話晒克羅地亞都係同組除己隊外最有份量嘅球隊。