韓國女團f(x)前成員Sulli今年3月與組合Dynamic Duo成員崔子分手，不過7月時有指Sulli跟圈外男友分手後跟崔子復合，當時崔子方面否認傳聞。不過今日崔子孖隊友現身「Show Me The Talk」活動時，冇正面回應有關Sulli嘅問題，只係避談，唔通真係復合返？

活動一開始前崔子早以囑咐現場媒體：「今天就只提節目《Show Me The Money》相關問題吧，請唔好問我其他敏感問題。」暗指唔好提出有關Sulli嘅提問。但活動中仍然有媒體問佢係咪同Sulli復合，對此崔子笑言：「依家講緊節目，嗰個問題都係下次有機會先再答喇。」禮貌地拒絕回答。

不過亦因為崔子冇承認亦冇否認，就有部分網民留言推測Sulli、崔子復合返：「冇正面回答，應該係復合返喇」、「有就有冇就冇喇，直接答咪算，講咩下次先答？」等。