《華爾街狼人》係由真人真事改編，咁由里安納度飾演嘅JordanBelfort自然真有其人。

呢位曾經糜爛過嘅昔日華爾街狼人，正如劇中所講，依家已金盤洗手冇做金融業好耐，不過佢咁聰明，把口又叻，唔做經紀，依家做「勵志演說家」一樣撈得好掂。據外地傳媒報道，佢喺杜拜一個會議上話：「今年賺嘅錢，多過佢做經紀時搵得最多嗰一年！」

呢隻「狼人」搵錢多咗，但已改邪歸正嘅佢，決定彌補佢以往嘅過失。佢話依家目標係今年賺夠1億美金，等佢可以向過去俾佢昆過嘅「羊牯」還錢。

佢話會將由45個美國城市巡迴演說所得收入，向投資者償還5000萬美元，話去6個月嘅美國演講收入，已全數存入一個託管帳戶，將可直接俾番投資者。佢表示：「相信我，當我向所有人賠錢後，我良心會更好過。」