過癮小食香港買唔到

蘋果日報 2003/03/10 00:00


早前介紹大家返深圳的超市買平價家品,結果大受師奶們歡迎,於是乎再次添食。今次介紹一些喺香港買唔到的產品,下次逛開超市時,睇吓有冇興趣入貨!

記者:歐嘉荃 攝影:陳良、韋信
奶啡百力滋
我最鍾意食零食,好似百力滋,由原味、奶茶味、朱古力味等我都試勻。不過呢隻牛奶混咖啡嘅百力滋,我就真係未食過。百力滋一面係牛奶醬,另一面則是咖啡醬,聞時有陣濃郁的咖啡味,食落口後咖啡味唔算太濃,幾好味㗎!
迷你裝果汁
喺香港維他奶就有125ml嘅迷你版,喺深圳除了維他奶外,連果汁都有細包裝,一Pack四盒嘅細包果汁,買畀小朋友返學飲就最好。
百佳超級廣場
地址:深圳東門太陽廣場負1層
電話:(86)75582393704