昨日一田行政總裁莊偉忠出席傳媒午宴宣佈，一田將在2017年，於港九新界各開一店，今日卻傳出他辭職消息，莊偉忠回覆本報查詢時證實消息，並強調開舖計劃不變。

他指「開舖計劃繼續進行，我哋係有組織、有計劃的機構，逆市開舖永遠係發展良好時機，因為開舖可以為同事提供機會」，又指離職對公司運作沒太大影響，「多年嚟一田百貨同事，不論係對供應商定係對客人，都緊守崗位，做咗啲啱嘅事，結果係一月市場銷售跌6.5%，我哋升19.1%，我相信呢個基礎唔會因為我唔喺度而有即時任何改變，到呢一刻都未聽到有同事辭職。」

記者:林幗欣