仲有兩個星期就到立法會選舉，一眾候選人都諗盡方法最後拉票，被視為支持熱普城嘅網媒《本土新聞》，突然「爆料」話台灣新政黨時代力量，會派立委嚟香港為青年新政候選人站台，但無幾耐之後，時代力量就喺fb出聲明，澄清根本無呢件事，又話支持香港民主，但黨內無討論過，係咪支持個別政黨喎。《本土新聞》其後則澄清，話報導只係引述青政候選人（新界西）黃俊傑說法，未有向時代力量求証，對此致歉。

咁究竟青政有冇同時代力量傾過呢？八方問過喺新東參選嘅青政梁頌恆，佢話會同時代力量傾，不過，對方嘅成員，未必入到境。

咁又係，原本若唔畀人提早「宣揚」，或者仲有機會可以有啲唔出名嘅時代力量成員嚟港，但宜家全世界都知嘞喎，相信冇乜機會咯。

同區參選人詳見此網頁：
http://hk.apple.nextmedia.com/legco2016/region