古天樂今日在銅鑼灣出席新春活動，他負責醒獅點睛儀式，兩位小朋友更向他送上皇冠，寓意古仔在娛樂圈稱王稱霸，及後還送他一支金咪，希望他在今年繼續唱歌。古仔表示在家中是長子嫡孫，所以有很多傳統習俗要由他去負責，他透露新年願望是身體健康。

受訪時，古仔直言沒有錄歌出碟的打算，加上最近要忙於拍戲，他說：「遲啲要去緬甸同西班牙一個月，拍一部動作片，拍完返嚟先再開《尋秦記》電影版。」提到他有腰患，古仔說：「呢部戲都打咗一輪，遲啲喺西班牙鬧市有槍戰戲。」談及他的頸部有膠布，古仔表示：「之前頸骨做咗手術，醫生叫我黐膠布半年去疤。（點連戲？）劇情特登加我中咗槍傷。」

問古仔有沒有發新年財？他說：「有返公司派利是，但亦有𢭃利是，好開心，咁大個人仲有利是逗，仲跟媽咪去拜年。」有沒有長輩向他催婚？古仔笑說：「好耐都冇，每年都會去7、8個親戚屋企拜年，每次有10幾人，佢哋開始影相，有普通影，派利是又影，逗利是又影，寶麗萊又影，自拍又影，仲要簽埋名，所以一個人起碼影5張相，搞搞吓就冇時間講其他嘢。」

此外，身為演藝人協會會長的古仔，透露將會推出演藝人協會手機應用程式，他說：「而家已經進行內部測試，下個月演藝人協會春茗再公佈，內容主要有演藝人嘅資料同專長，佢哋可以自拍片段放上去，大家亦可以留言畀藝人，而電影公司、廣告公司可以喺app搵適合嘅藝人做嘢，有一個互動化。」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI