女性愛美向來是天性，不少女士為求令容貌更俏麗，不惜工本搜購護膚品，近日有讀者向本報反映，指有相熟朋友聲稱可代買令一眾女士趨之若鶩的SKII護膚品，以六折職員價代購，讀者貪便宜，買下近四千元產品，惟最終卻發現貨品疑是假貨；事後向本報及海關投訴。海關稱今年共收到五宗有關冒牌SKII報告。

「搽啲假貨，萬一有問題嘅話，輕則皮膚炎啫、嚴重嘅就真係唔知點算！」眼前二十來歲的陳小姐說，早前其友人向她表示，能以六折的職員價代購，她見這價格較SKII專櫃售價便宜，故即要求友人代買。

包裝及氣味有異
「我見咁抵，咪四圍問其他親戚朋友，使唔使幫佢哋買埋？大家啲反應都好熱烈，面霜、面膜、精華素、潔臉用品……最終訂咗三千九百幾蚊貨。」
滿以為「執到寶」的陳小姐，拿着那批「戰利品」返家後仔細觀察，卻發現那些貨物從包裝至氣味均有異於其沿用的護膚品，她更稱，那瓶面霜的氣味有點似白膠漿，她不敢使用，並攜帶那批貨到SKII專櫃向職員查詢，對方的反應令她更驚訝。