黃福榮捨身救人,不但感動全港,仲感動全國。噚日新華社發表咗篇題為「『香港之子』黃福榮感動香港感動中國」嘅文章,但奇就奇在文中竟然點名提到《蘋果日報》,仲引述埋本報對黃福榮事迹嘅報道。好多行家打嚟問八方,唔通「阿爺」同《蘋果》「破冰」?
新華社篇文確係罕見,其中講到連日來關於黃福榮嘅報道佔據傳媒顯著位置時,竟首先提到香港《蘋果日報》以「黃福榮,香港以你為榮」為題報道黃福榮事迹,然後先講到《文匯報》、《大公報》嘅報道,再然後先輪到煲呔篇網誌。八方記憶中,自創刊以來,《蘋果日報》呢四粒字從未喺新華社嘅稿件出現過。