三年前嘅《異獸戰》（AVP:Alienvs.Predator）雖然拍得一般，但都好受影迷歡迎，今年電影公司再度安排異形同《鐵血戰士》入面嘅血獸走埋一齊，新片《異獸戰2》（Aliensvs.Predator-Requiem）已安排喺12月25號聖誕港、美同步上映，套片嘅片段同幕後製作花絮都可以喺YouTube睇到。
全新製作嘅《異獸戰2》，搵咗ColinStrause同GregStrause兩兄弟合力執導，佢兩個來頭唔小，曾經為無數電影擔任視覺特技，當中包括《神奇４俠》（FantasticFour）入面嘅霹靂火。阿Deep喺網上曝光嘅劇照同YouTube搵到嘅製作片段所見，今次異形同血獸兇猛咗好多，仲會打到落地球，喺美國西部出現。