廖啟智今晚喺九龍塘浸會大學出席「第14屆全球華語大學生影視獎頒獎禮」，獲邀為頒獎嘉賓之一，智叔負責頒最佳男演員，佢覺得新一代可以好早就接觸演戲係一件好幸福嘅事：「一定係一代勝一代，望都咁望。」不過好遺憾，智叔話佢嘅小朋友冇遺傳到父母嘅演戲天份。

智叔話啱啱拍完一部新片，o依家量緊地，問到會唔會返大台拍劇？（對上嗰套係《律政強人》）佢就話：「好難講，暫時冇機會，TVB搵我拍都幾難，其他台未有留意到我。」佢仲講笑話自己係漏網之魚，所以冇人搵佢拍網劇。