華華即刻check吓，發覺原來隻嘢喺短時間內，輪商賣價0.38元，突然又跳幾個價位，出0.41元買番。來來回回6、7次。
華華當然要查個究竟，打電話問有關人士：「你哋隻嘢出價好怪喎！」
有關人士：「我哋衍生工具出價一向跟實正股走勢。」
華華：「聽講你隻嘢，幾個鐘頭幫你哋輸幾百萬喎！」
有關人士：「我哋衍生工具出價一向跟實正股走勢。」
華華：「吓吓都咁答。輸錢唔怕認喎，如果畀街客知你哋有時會烏吓烏吓益街坊，好過賣廣告啦！」
有關人士：「你知啦，我哋每日有成800幾隻衍生工具買賣……如果投資者鍾意我哋嘅出價，歡迎佢哋嚟買賣……」輸錢係危機，不過冇危邊有機？