余香凝（Jennifer）今日去新城電台宣傳佢嘅新歌《你愛的人上》，佢親自寫嘅呢首歌，係送俾一個曾經對佢好好，雙方都有感覺，但並未展開戀情嘅好朋友，Jennifer話：「當時讀緊中七，我有鍾意佢，但我哋係兩個世界嘅人，諗過會好快分手，怕連朋友都冇得做，o依家仲有聯絡，佢一世都喺我回憶裏面，我好感激佢。」

Jennifer話唔怕男友陳家樂呷醋，因為早已同男友講清楚，Jennifer話：「男友知道我當時係有幾唔開心，我同佢好坦白，講過晒過往嘅事俾佢知。」此外，Jennifer表示，正準備織一條頸巾用嚟喺今個月舉行嘅義賣活動中義賣，佢希望拍賣個好價錢，屆時希望男友到場支持。