【連續5周贏話題榜首】《鬼怪》帶旺拍攝場地 花20蚊扮孔劉金高恩
鬼怪金高恩孔劉
近期喺韓國熱播嘅tvN劇集《鬼怪》,除咗一眾演員人氣急升,就連劇集嘅拍攝地都吸引劇迷去打卡,為當地帶嚟新商機,當中孔劉及金高恩首次見面嘅海邊就最吸引劇迷到訪。
據知該幕於江原道江陵市注文津海邊取景,由於劇集熱播吸引唔少人前往,有商人十分有生意頭腦,諗到出租花、紅色頸巾及遮,畀劇迷扮下孔劉同金高恩,每個要1,000韓圜(約6.4港元),借晒3樣都唔使20蚊港元。
另外,韓國GOODDATA調查機構今日發表咗新一年首次嘅「最具話題性韓國電視劇排行榜」名單,《鬼怪》再度撼贏女神全智賢、「長腿Oppa」李敏鎬主演嘅《藍海傳說》,連續第5個星期排榜首,力證劇集嘅高人氣。