【安心「小三」回歸】潛水8個月重返偷情竇 黃心穎回港喊住話：我想向前望！
蘋果日報 2019/12/14 10:33
安心偷食許志安黃心穎娛樂娛樂
消失8個月 ，黃心穎終於現身了！今日早上，心穎由美國返港。一出閘，即企定定讓傳媒影相，期間已開始忍唔住眼濕濕。之後心穎在接受傳媒訪問，第一句已經喊住話：「我好開心，我終於返到屋企！」
今年4月，黃心穎被揭背着男友馬國明勾引人夫許志安。「安心事件」揭發後，心穎形象插水，連有份參演的劇集也被抽起分。事後心穎除了在Ig上載道歉聲明外，便一直未有現身。
之後有傳媒拍到心穎現身美國，更有傳她已在加拿大改名換姓過新生話，轉行當經紀，專做外國人生意。
不過，一向進取型的心穎，對娛樂圈又怎會這麼容易死心？加上今年9月，大台突然將她有份參演的劇集《牛下女高音》解凍，更成為台慶劇。
有大台包庇，劇集播映後，心頴即時趁機現身Ig，一連發出三個貼文，測試水溫。
眼見《牛下女高音》推出後，觀眾反應未算太反感，大台下月再順勢推出另一套劇集《丫鬟大聯盟》。劇集開始解封 ，心穎亦鬆一口氣，即時趁勢現身返港。
「人間蒸發」了8個月，這天心穎終於「回歸」。身身穿灰色長褸帶cap 帽的心穎一出閘，不停深呼吸，似要提起勇氣見人，接受傳媒訪問時，未開口就爆喊，不過有市民卻大嗌:「喊乜鬼呀！」
她接受訪問就喊住話：「 我好開心，我終於返到屋企！喺過去差唔多8個月，好努力咁生活，聽到外界有好多嘅猜測，但我只不過好努力咁生活緊，同時我都想繼續向前行、向前望，I made a mistake, And I try really hard to live with it, to learn from it. 無論我想講、我要講，私底下我都講咗，喺呢件事上面唔會再有任何回應，而今次返嚟，我最主要係陪我屋企人。呢段時間多謝大家關心，（工作上有咩安排?）今次返嚟係要陪家人，其他冇咩回應！(有冇同馬明聯絡?私人嘢唔講。(點面對佢？)我諗都係好開心。(有冇同安仔聯絡?)私人嘢唔講。」期間心穎多次抹眼淚。
問到佢係咪諗住轉行，黃心穎拋下一句:「未諗過！」偷食人夫醜聞後，似乎她對娛圈依然死心不息。之後由家姐黃心美經理人護送上車返去同安仔偷食的油塘寓所。
「安心事件」後，心穎除了形象破產，更牽連一眾大台同事。據知， 自心穎出事後
大台在藝員合約中加入新條款，凡藝人因私人問題而影響形象 ，所有對外賠償全由藝人自己負責。
攝錄:蕭敬漁 曾偉
