3月29號，五月天就會喺台北大安森林公園舉行免費嘅音樂會，除咗台灣有咁大件事，喺香港都一樣，因為3月29號就會開售五月天5月10日 - 23日，喺紅館舉行嘅演唱會。

今時今日喺香港要買到一張正價嘅演唱會飛，真係難得好緊要，一班五月天嘅歌迷為咗買到偶像嘅正價飛，噚晚已經開始喺紅館排隊等緊開售，帶晒水袋暖墊避寒，呢啲就真係對偶像嘅愛喇。