「搬入嚟兩、三年,啲渠就開始滲;一直搞到𠵱家,唔單止無改善,重愈整愈衰,連蟲同青苔都出埋嚟,咁究竟我哋重要等到幾時?」廣田邨居民投訴,十年前屋邨落成遷入居住,不足三年便開始面對切身的排污水管滲漏問題,縱使不斷向房屋署投訴及反映,但解決方案依然「無了期」。
察看之後不了了之
「滿肚苦水」的居民郭先生無奈地向記者稱,十年前廣田邨落成便舉家遷進,惟住了約三年,他便發現廚房內的排污水管出現滲漏,當時不算太嚴重,他亦已向房署反映,但房署每次派員登門視察後便不了了之。
郭先生稱,近年渠管滲漏問題更見嚴重,除了廚房牆身全天候濕漉漉外、亦長出青苔及孳生蚊蟲,情況日益惡劣,「呢排幅牆開始有蟲,真係好惡心,我只好每日喺度不停做清潔,但係我喺呢度洗,咁啲污糟嘢咪又流落去樓下啲住戶,我都好矛盾!」
他說,最令他感到無助的是,他不斷向管理公司反映及要求跟進,雖然管理公司派人上門查看,但每次均令他失望;「多次請假喺度等,但成日都唔見人,終於等到有人肯嚟,又係咁望一望就話再會有人跟進;最終咪又係無下文囉!」
同樣受這問題困擾的居民陳太則歎道,多年前已發現這問題,同樣是不斷向房署投訴,但又是無了期的等。「我哋真係好無助,試諗吓有條又爛又生銹嘅排污水管喺你屋企入面,你會點?如果自己去維修,又會比房署話你擅自改建,到時重麻煩。」