【藍潔瑛逝世】演藝人協會經濟上全力支持 秘書長余安安:尊重佢屋企人意願
余安安演藝學院施南生藍潔瑛
藍潔瑛噚日被發現倒斃家中(新聞連結: https://bit.ly/2qpBs7n ),香港演藝人協會主席古天樂噚晚向《蘋果》透露會協助藍潔瑛家屬辦喪事(新聞連結: https://bit.ly/2yPAgyq )。
協會秘書長余安安今日喺演藝學院出席《與施南生對話》影藝座談會時表示,已聯絡藍潔瑛一位圈外女性好友,希望透過對方能夠搵到藍潔瑛胞姊:「最主要係尊重佢屋企人嘅意願,睇吓佢係鍾意低調,定係想我哋幫手搞喪禮,經濟上會全力支持。」如果搵唔到藍潔瑛家人?余安安話:「我相信唔會,警察嗰邊已經搵咗,因為要屋企人先可以攞死亡證、認屍各樣嘢。」不過,協會成員林建明今日曾透露,暫時未能獲藍潔瑛胞姊回覆,及聽聞藍潔瑛教友會為其籌辦喪事,現時協會立場被動。
精選娛聞,喺晒《娛果》
http://fb.com/appledailyent