邵仲衡、王宗堯同鄭欣宜（Joyce），今日去到太子為「康宏圖騰跑2015」記者會擔任嘉賓，為跑山賽宣傳。邵仲衡話自己其實唔鍾意跑步，佢比較喜歡游泳同水上活動，佢話：「我住喺山上，經常行山，今次精神同肉體上都會支持到，到時會參與行一程。」

王宗堯就透露自己習慣凌晨3點，喺港島沿維園跑步，佢話:「我鍾意夜晚跑步冇乜人，可以諗嘢，空氣又好啲，我屋企跑去維園一段路，有好多人喺嗰度談心0添。」

欣宜喺活動上即場示範熱身同拉筋動作，Joyce話:「我好耐冇跑步，要重拾番，我鍾意自己一個人做運動，覺得感覺比較舒服，我喺行山嘅時候會話俾所有人聽，我去邊度行山，如果兩個鐘頭唔見我，就搵直升機搵我，我之前鍾意夜晚行山，但畀爹哋鬧話驚有山賊。」