台灣音樂人、人稱小胖老師嘅袁惟仁在10月中於上海跌倒，腦出血昏迷，同時被發現有腦腫瘤，前妻多次帶一對子女由台灣飛上海探病，上周四（19日）傳出好消息，袁惟仁甦醒後，能認人及對周遭作簡單回應，但未能開聲說話。入院兩月瘦近40磅，早前更由上海返回台灣治療，袁媽媽、袁惟仁家姐、發現袁惟仁暈倒嘅女友菲林都一齊陪住袁惟仁返台。

今日台灣《蘋果日報》再報道指，袁惟仁正在加護病房留醫，現時可以簡單對話，看到女兒時激動落淚。由於康復進度良好，相信好快可以轉到普通病房，而腦腫瘤診斷結果就顯示屬良性，可以話係雙重喜訊。袁惟仁所屬公司今日公佈佢嘅新歌《學會祝福》，並送上祝福。

精選娛聞，喺晒《娛果》
http://fb.com/appledailyent