日本9頭身女星菜菜緒近年越戰越勇，佢有別當今花旦硬銷清純，加上唔造作嘅個性深令佢深得觀眾歡迎，參演影視作品一套接一套，繼日劇《FirstClass》及電影《白雪公主殺人事件》等之後，菜菜緒最近夥拍松坂桃李、木村文乃嘅新劇《Siren》，演技進一步受到認同，佢為劇集性感上陣，有指連劇組嘅男士們睇到血脈沸騰，仲話菜菜緒搞到唔少男性工作人員喺片場動L喎...

擁有一雙長腿嘅菜菜緒，由Model界踩入影視圈大展拳腳，菜菜緒嘅長腿令唔少女士羨慕不已，3年前推出寫真集《1028-24》，由封面到內頁都擺出高難度甫士，月前佢就獲富士電視台節目邀請，應要求教觀眾點樣誘惑異性，菜菜緒又一次擺出其趷籮招牌動作，足以證明菜菜緒已成為性感icon。

菜菜緒呢股趷籮晒腿熱潮已蔓延到動物界，唔少主人都為喵星人拍下擺出菜菜緒性感甫士嘅寫真。其中萌爆白貓Koto，獲主人拍下激似菜菜緒嘅趷籮照後，隨即成網絡紅貓，仲喺instagram狂吸7萬幾fans，繼而有出版社為Koto推出首本屁股寫真集，日前Koto嘅處女作已經上架，當Koto主人收到寫真集實物後，一於向菜菜緒嘅《1028-24》致敬一番。