22歲科大生周梓樂逝世4個月，有網民晚上在將軍澳尚德停車場舉行悼念會，其間大批防暴警突驅趕市民，又展開大包圍，最少300人遭警方搜查，歌手阮民安（Tommy）是其中之一。

Tommy事後表示，今晚主要來獻花，悼念同路人，但無奈遭警方包圍，「其實好荒謬，獻花都會被大包圍，默哀完一秒都唔夠就舉旗，話非法集結。」他續說，遭警方前後包圍了近3小時，「大家都唔知咩事」，最後又只放行在場男士。

Tommy又謂，被搜查期間，有兩名警員多口問他：「有無紋眉」，他笑指：「你估我（工聯會）鄧家彪咩」，對方則回應「阿！係咩。」Tommy稱，兩名警員竟有興趣研究男士的眼眉，又撥他的頭髮，令他擔心在場女生安全，並指現場未見有女警，當時不少男士被搜查後，欲留在現場保護女手足，但同被驅趕。

離島區議員王進洋同被包圍

另外，離島區區議員王進洋同被圍困，並指「廁所都唔可以去」。他其後獲放行後稱，8時到現場悼念周梓樂，半小時後警方要求搜查，「唔畀我地走」。他有向警方表明區議員身分，但不獲警方理會，他反問「點解冇堵路，都要圍住我哋，唔畀去廁所，明明我地有道理都好，都唔畀我地出去。」他又稱，前後被困近2小時，不能離開，認為「如果佢哋（警方）今日唔喺到，秩序會更加良好，佢哋嚟呢到令到啲人好鼓譟。」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架