當年今日
關於我們

【李八方online】中國禁美3大報記者採訪 周浩鼎老婆受牽連?

蘋果日報 2020/03/18 18:33

紐約時報周浩鼎

多次報道中國疫情嘅外國傳媒似乎成為中國政府眼中釘,中國外交部疑似因為報復外媒,今日凌晨突然宣佈要求《紐約時報》等三大報記者證即將到期嘅美籍記者10天內交還記者證,仲規定佢哋唔可以喺中國、香港同澳門採訪。一向愛國愛港嘅民建聯議員周浩鼎,佢老婆原來喺《紐約時報》工作,唔知有無因為事件受牽連?

周浩鼎向八方承認,佢老婆喺《紐約時報》工作,但專責銷售工作,並非前線記者,所以今次事件同佢老婆無關,佢又強調老婆係中國籍,但其他嘢則因為要「保障家人私隱,不便為她代言」。

之前有報道指周浩鼎太太持有美國綠卡,不過周當時已經澄清咗係虛假消息。

至於點睇中國要求外媒撤走?周浩鼎就話,香港新聞自由一直受《基本法》保障,相信今次安排係外交事務,而香港喺一國兩制下會有適當處理。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架