當年今日
關於我們

【韓流】李光洙樂園撞到「朋友」長頸鹿

蘋果日報 2014/09/08 06:00

RunningMan

韓國人氣綜藝《RunningMan》喺老早之前已經預告過咗台灣嘅主題樂園取景,一眾主持人同嘉賓仲挑戰樂園入面嘅機動遊戲,測試膽量。

而節目噚日就播出《RM》台灣之旅,主持人同嘉賓們喺玩機動遊戲時被嚇得血壓上升,露出個人膽小一面嘅搞笑場面之外,有「長頸鹿」之稱嘅李光洙仲喺樂園巧遇佢哋同類,仲上演一幕即興劇。

光洙喺玩完遊戲之後見到真正嘅長頸鹿,跟住突然伸手出鐵欄向長頸鹿大叫:「到底猶豫咩呀?快啲捉住我隻手,你呢個傻瓜,快啲上嚟!唔好啊!我會報復O架。」無里頭認真嘅演投令人發笑。

另外,有「蚱蜢」之稱嘅劉在石亦喺節目上露「真身」,喺一個遊戲中,劉在石除下眼鏡,將面壓喺塊膠墊上,點知壓出嚟個樣同蚱蜢一模一樣,連劉在石睇完都覺得好無奈。