問到簽約年期與歌酬，Kay坦言：「簽咗5年，嚿錢夠我安居樂業，好專心咁做音樂，係7位數字。其實錢對我真係唔係咁重要，最緊要合作開心。」有指她的收入大減，要大屋搬細屋，她說：「寫乜我都冇乜點理，冇諗過搬屋，住得好開心。我家收入好好，唔使好辛苦做嘢，可以重質唔重量。我又唔係好奢侈，唔會亂使錢，我屋企每個人都有做嘢，屋企係正常開支。」
有指Kay的老公張繼聰獅子開大口1,500萬元簽約金牌，令金牌卻步，Kay說：「佢嘅事唔應該由我交代，1,500萬個數作到咁大，我都係7位數，大家諗吓。」
採訪：胡比
攝影：陳慧安