當年今日
關於我們
馮仁昭四圍超:廖啓智回歸TVB變冬瓜神仙
蘋果日報 2007/09/11 00:00
喺劇集《十兄弟》入面飾演大帥嘅廖啓智,離開無綫兩年幾,會喺今個月重返娘家拍劇。 劇照
無綫見《十兄弟》收得,決定趁勢再翻拍當年張瑛同羅艷卿主演嘅《大冬瓜》(圖)。
潮流興集體回憶,相信香港觀眾都好想再睇到趙雅芝嘅精湛演出。 資料圖片
潮流興集體回憶,無綫都搵番好多舊將回巢,繼袁詠儀同陳玉蓮之後,冇喺無綫兩年嘅廖啓智會喺今個月中重返娘家,接拍一部民初劇《大冬瓜》。之前智叔因為做得唔開心而離開,幫有線主持節目,日前馮仁昭同智叔傾電話時,佢話:「當日離開係自己決定,佢哋覺得有個角色啱我做,啱啱我同有線合約滿咗,今次我同TVB係部頭形式合作嘅。」
講到《大冬瓜》部劇,原來同之前林文龍、郭可盈做嗰齣《十兄弟》一樣,都係屬於一啲神怪題材,無綫見《十兄弟》好收,所以搵咗1958年張瑛同羅艷卿主演嘅粵語長片《大冬瓜》嚟翻拍。智叔喺新劇飾演一個識得法術嘅神仙大冬瓜,而陳錦鴻同蘇玉華就扮演以前張瑛同羅艷卿戲中兩公婆角色。
另外,馮仁昭聽聞無綫都有搵趙雅芝同呂良偉傾過,咁多好戲之人回歸拍劇,對觀眾嚟講實在係一個好消息。