杜汶澤、曾國祥、袁嘉敏（Candy）及導演李公樂等，前晚在中環出席《3D豪情》慶功宴，電影上映五日，票房逾700萬。戲中飾演阿澤女友的袁嘉敏，即場發功自薦要拍第三集，更揚言只要片酬達標，就算全裸演出亦在所不惜。不過據聞她當初接《3D豪情》時，答應可以去盡拍裸露戲，但到場就反口，變得「惜肉如金」，令監製陳慶嘉及阿澤都極之不滿，考慮將她飛出第三集。

視乎片酬除衫

陳慶嘉昨接受電話訪問時說：「佢拍之前講過可以全裸，不過因為之後簽咗太陽娛樂，佢經理人黃柏高亦搵過我，講過唔想佢有大膽演出，所以我哋拍之前已知，今次佢都好落力做宣傳，第三集如無意外會預佢演。」
Candy戲中僅以內衣上陣，她解釋說：「今次太多人露，唔使我啦，下次先露多啲。」可否大解放全裸？她說：「OK，但都唔想俾人定位，唔係話三級就一定要露，只要劇本好就得，《豪情》第三集都傾緊要唔要全裸，我都係睇片酬啦，都要放膽試吓。」
《豪情》第三集預計在10月開拍，阿澤說：「我想喺facebook搞個真普選，叫網民like邊個AV女優做女主角。」而普選暫時是葵司以200多票領先，但阿澤最想請蒼井空參與演出，想她演回真實的自己，但對方經理人回覆說：「要蒼井空演任何角色都可以，就是不想演回她自己。」
採訪：藍文浩