【車Cam直擊】Audi司機疑睇錯燈 青山公路撼的士3人傷
青山公路的士車禍大河道Audi
荃灣青山公路與大河道交界發生車禍,凌晨1時53分,一輛Audi四驅車沿青山公路往愉景新城方向行駛,右轉大河道時疑姓許36歲司機睇錯燈,紅燈駛出路口,與一輛沿青山公路往葵涌之的士迎頭相撞。的士司機姓袁51歲,載有一名姓岑44歲女乘客。
據目擊者稱,兩車相撞傳出巨響,「個的士司機夾喺軚盤同座椅中央,心口被夾住,出唔到嚟,佢當時好痛苦,個口滲血,我哋拉開座椅,拉開車門,但我哋唔敢郁佢,唔知佢有無內傷。」
的士女乘客則額傷,下車坐於路旁,Audi司機亦自行下車及報警。目擊者指Audi車速頗快。三人輕傷送院。警方調查車禍原因。