CaraG.同馬詩慧母女今日在中環出席Pandora活動,近期經常有報導指Pandora係「港女恩物,男人最痛」,馬詩慧表示老公王敏德都有送該品牌嘅禮物俾佢同個女,佢話:「呢個品牌唔算貴,可以mixandmatch。」
王曼喜喺七月開設網上自家設計品牌,專門設計女裝,佢透露以簡單衣飾為主,問到馬詩慧會唔會於生意上給予女兒意見,佢話:「費事自找麻煩,等佢自己試下,好過拖住佢隻手行。所以唔會亂俾意見,佢俾我著我咪著。」
CaraG.懷胎6個月,早前害喜引致不適,要卧床5日,唔郁得又不能進食,手腳疼痛,佢話:「發燒好高,迷迷懞懞之下我打俾老公,話好辛苦,仲叫佢搵定律師立遺囑。」