鄭秀文噚晩喺紅館舉行第4場《Touch Mi 2鄭秀文世界巡迴演唱會2016》，Sammi今次搵咗真．杜德偉（Alex）做演嘉賓，當Alex出場嗰陣，佢大讚Sammi係一個好強嘅女人，好堅嘅一條女，之後仲話Sammi：「You are the best！」Alex仲強調自己同安仔唔似樣，之不過Sammi就整蠱佢，率領全場叫Alex做「許生」同「許生唔睬人嘅」，Sammi仲好權威話：「我試過半夜認錯，點解杜德偉瞓喺隔籬嘅？！」全場爆笑。

Alex之後同Sammi話：「你開咁多場演唱會，應該請返當日認錯許志安係杜德偉嗰條茂利、嗰位人兄嚟，點解咁都可以搞錯？」跟住台上仲分別播出佢哋着性感三角褲嘅相片，搞到全場嘩然，Sammi仲搞笑說：「嘩，兩大巨鵰碰頭！」講講下仲建議佢哋兩個去男廁私下比併。