由伊藤英明夥拍木村佳乃嘅富士新劇《我的危險妻子》，早前已事先聲明有男主角伊藤英明同飾演情婦嘅相武紗季有親熱場面，故事講伊藤英明同相武紗季密謀殺死飾演其妻嘅木村佳乃。
《我的危險妻子》噚日開播，一如所料真係有激烈床戰戲份，年前被揭玩3P嘅伊藤英明，今次新劇中一改《海猿》嘅正氣形象，仲同相武紗季忘我演出，無論喺車上抑或床上，佢哋都上演一幕幕超激情慾戲，尺度差啲拍得住三級片，單睇截圖仲似足AV場面。
可惜相武紗季今次搏到盡都係白費心機，事關首集只錄得8.3%平均收視，相信日本人係因為受地震影響，國難當前自然冇乜心情睇劇消遣。