早前多隻全配售創業板新股，基於很多「不同原因」，上市後股價動輒「爆升」十數倍，大股東即時變成億萬大富豪。不過，相關股份「升得快時亦跌得快」，大部份股價很快打回原形，甚至乎是有股份上市不足一周，連配股價也「跌穿埋」，真替於高位「接火棒」投資者捏一把汗。
有基金界朋友跟密西比說，由於今次這批創業板「爆炒股」實在「玩得太過份」，證監已「盯到實」。他說：「聽講話，證監已去信各大證券行，攞咗掛牌日同埋之後嘅交易紀錄，睇下有冇啲乜嘢，特別係升得最勁嗰幾隻……你可以話係做樣，但據聞今次都問得較以往詳細，表現得好似重視啲。」
友人續說：「證監對爆升新股態度有變，側聞部份唔想煩嘅保薦人，已叫停咗部份高風險創板上市工作，費事風頭火勢被人將軍……一隻半隻deal無咗無所謂，只係怕被人認定咗間行專做呢啲無厘頭爆升股，之後做乜都被人𥄫住，咁就唔好啦，費事一粒老鼠屎壞了一鍋粥。」
「老鼠屎」？友人笑一笑更正。他說：「應該係一個BB」。哈哈。

密西比