利物浦喺星期五嘅英超聯賽領先兩球之下最終只可以賽和阿仙奴3:3，門將米洛列特再次成為眾矢之的，事關佢喺56鐘格列沙加遠射嘅時候犯低級錯誤，畀對方呢個冇乜角度嘅射門入到網而追成2:2，賽後成為網民恥笑對象。有網站將米仔同垃圾桶嘅相放埋一齊，問大家邊個係更加出色嘅守門員，又有網站將曼聯領隊摩連奴之前喺一場慈善做守門嘅相同米仔嘅相擺埋一齊，問大家邊個比較出色等等，至於利物浦球迷除咗批評米洛列特嘅表現，唔少人都話佢會繼續做正選，甚至有人話佢可能會做利物浦門將到2020年……曲線應該唔使講明！

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM