喺香港最受細路歡迎嘅Twins最近先識出兒歌VCD賺多筆,但係日本嘅Morning娘專攻兒童市場的支線組合MiniMoni,一早就已經出晒體操歌、沖涼歌、糖果包等等,最近佢哋重做埋兒童服裝品牌代言人,我羅拉都要讚佢哋嘅市場策略做得幾好!為咗繼續搵錢,佢哋最近更加出咗本畫冊寫真集《MiniMoniIllustCollectionVol.1》,搵咗幾個插畫師用唔同繪畫方法畫佢哋個嘜頭出嚟,雖然畫到美輪美奐咁,不過就覺得搵笨咗啲囉!
四個妹妹都似
咁我羅拉唔係話本書入面畫得MiniMoni四個妹妹成員唔靚,相反木顏色輪廓素描嗰部份,簡直畫到佢哋靚過真人好多倍,尤其係加護亞依真係幾神似。另外講明改編自小飛俠同愛麗斯夢遊仙境嘅短篇古仔,就將四個成員融入童話世界裏面嘅經典場面,小朋友睇到都應該幾有親切感㗎。
不過本畫冊其餘嘅部份就好鬼求其,如果諗住長出嘅,睇嚟要改善吓啲內容,先可以吸引小朋友fans繼續買!