曾志偉今日將軍澳電視城出席無綫第26期訓練班開學禮，問佢覺得一班新學員有冇以往「五虎」的影子？佢話：「唔使驚，五虎以前都係甩皮甩骨，有信心充實自己就得。」志偉仲話，TVB一向都有人流失，從來都係咁。

同場嘅無綫高層樂易玲就話，唔會禁止學員拍拖咁唔人道，只係希望唔好影響表現。咁當年鄭嘉穎周麗淇拍拖，盛傳有人棒打鴛鴦、力保愛將形象，應該唔係真嘅囉，是嗎？