青春已逝都要留住37歲
羅霖打羊胎素老公心郁郁
蘋果日報 2003/06/24 00:00
羅霖及KimRobinson等人昨日往尖沙嘴YMCA出席護膚品推廣活動，三十七歲的羅霖坦承八個月前開始注射羊胎素。她自稱不僅皮膚變滑，纏擾多年的鼻敏感更不藥而愈，就連夫婿劉坤銘都心郁郁想試。
劉坤銘太太羅霖、著名髮型師KimRobinson及藝員梁雪湄，昨日齊出席於尖沙嘴YMCA舉行的LAPrecia胎盤素活動。
現年三十七歲的羅霖昨日坦承有注射過羊胎素，她說：「八個月前有朋友贊助我一個注射羊胎素嘅療程，總共要打八次，每次打兩針，整個療程花費十二萬㗎。」
老公讚滑溜
羅霖續說：「我初初都對注射羊胎素存有懷疑嘅態度，但係注射完之後，好似身體免疫能力高咗。我以前一轉天氣就鼻敏感發作，𠵱家就好似冇事，我老公重讚我皮膚滑咗㖭，搞到佢都心郁郁想試吓。而且我呢個年紀應該點keep都冇少女嘅babyfat嘅，但係𠵱家都有少少babyfat，代表青春嘛。」
問羅霖通常上了年紀如五十歲的人才注射羊胎素，她這個年紀注射是否過早？她說：「唔會，三十幾歲打咪keep住三十幾歲咁嘅樣囉。」
專捧醫生場
此外，KimRobinson是為了捧他的醫生場而出席，不過他與羅霖大唱反調，不認同打羊胎素，他說：「我唔信呢啲嘢嘅，只要勤做運動、多飲水同多休息，就自然keep到青春啦。」
KimRobinson又表示早前非典型肺炎肆虐，但他的髮廊反而生意滔滔，他說：「因為我哋間髮廊係個個客人都有私家房嘅，咁樣先至夠安全衞生嘛。」
採訪、攝影:DebbieLum
現年三十七歲的羅霖昨日坦承有注射過羊胎素，她說：「八個月前有朋友贊助我一個注射羊胎素嘅療程，總共要打八次，每次打兩針，整個療程花費十二萬㗎。」
羅霖續說：「我初初都對注射羊胎素存有懷疑嘅態度，但係注射完之後，好似身體免疫能力高咗。我以前一轉天氣就鼻敏感發作，𠵱家就好似冇事，我老公重讚我皮膚滑咗㖭，搞到佢都心郁郁想試吓。而且我呢個年紀應該點keep都冇少女嘅babyfat嘅，但係𠵱家都有少少babyfat，代表青春嘛。」
問羅霖通常上了年紀如五十歲的人才注射羊胎素，她這個年紀注射是否過早？她說：「唔會，三十幾歲打咪keep住三十幾歲咁嘅樣囉。」
此外，KimRobinson是為了捧他的醫生場而出席，不過他與羅霖大唱反調，不認同打羊胎素，他說：「我唔信呢啲嘢嘅，只要勤做運動、多飲水同多休息，就自然keep到青春啦。」
KimRobinson又表示早前非典型肺炎肆虐，但他的髮廊反而生意滔滔，他說：「因為我哋間髮廊係個個客人都有私家房嘅，咁樣先至夠安全衞生嘛。」
採訪、攝影:DebbieLum
劉坤銘和太太羅霖結婚多年，十分恩愛。 資料圖片
KimRobinson表示沙士令他的髮廊生意大增。
梁雪湄透露最近服食中藥調理身體。