日本BL神劇《大叔的愛》帶挈男主角田中圭躋身紅人行列，原班人馬添食嘅電影版已定明年初開鏡及在夏天上映，貴為大忙人嘅田中圭，昨日替當地網台主持24小時直播節目《田中圭24小時電視》，再與大叔拍檔吉田鋼太郎於鏡頭前合作，一於滿足廣大fans。

田中圭同吉田鋼太郎一見面先熱情抱抱，並在昨晚直播期間上演短劇，二人齊穿西裝上陣，吉田鋼太郎向田中圭越貼越埋，更把田中壓在梳化上，趁電影版《大叔的愛》開拍前先行熱身。今次田中圭真係瞓身演出，佢半裸奉旨騷肌，不過佢亦展示感性一面，直播時一度感觸當場流下男兒淚。

精選娛聞，喺晒《娛果》
http://fb.com/appledailyent