「Hi-Fi碟小天后」歌莉雅去年因疫情而收入大減，她趁農曆新年特別到好友方俊（Aman）的花店買開運蘭花，望能增旺桃花運，加強觀眾緣又有貴人相助，歌莉雅說︰「我平時都會行花墟，物色一啲得意盆栽，今年撞正疫情，我哋做呢行最需要桃花，觀眾緣好緊要，加上識Aman，可以探吓佢又可以睇花。」

歌莉雅說過年最開心在家開賭︰「同家人塘水滾塘魚，一家人開賭好有過年氣氛。」她表示去年反思了很多人生的問題，以往她會為別人開心寧願委屈自己，不過去年突然痛症纏身︰「自己好想令身邊人開心，久而久之會忽略自己感受，所以面對逆境都有得着，之前身體突然有痛症，情緒亦出現問題，既然身體響起警號，咁就要去拆解。好神奇，當我處理好情緒後，唔單止了解自己多咗，痛症都不藥而癒。」她說學會用待人的同理心看待自己時，整個人感覺輕鬆，不但可以忠於自己生活，更重拾對未來的信心及動力。她說自我治療是透過接觸大自然及看哲學書︰「到郊外一邊行山一邊影相，心情很開朗，睇哲學書令我諗通咗好多人生問題。」

場地提供︰柏斯花藝、丸十牧場