【繼承衣缽？】張崇基親自教子唱歌：當普通學生咁教
蘋果日報 2019/07/08 15:55
張崇基
（左圖攝影：馬建華）- 張崇基今日到新城接受訪問，傾談親子話題。
- 張崇基聽太太提議，親自教兒子唱歌。
張崇基今日到新城接受訪問，傾談親子話題，日前被拍得帶7歲大兒子外出，但只顧低頭看電話，他主動提及事件，更承認看電話行為不當。當日是帶完兒子去自己的錄音室學唱歌，離開時坐電車去會合太太。他指兒子鍾意唱歌，而自己身為歌唱老師，太太提出由他親自教兒子唱歌，問到是以爸爸抑或是老師身份教授？張崇基笑說：「都好難界定，都係當佢普通學生咁教，唔會太嚴厲，畀佢接觸吓音樂，唱吓自己鍾意嘅歌，又唔係話溫書要交功課，我仲會錄低佢唱嘅歌。」
張崇基指兒子對音樂都有興趣，至於長大後會否讓兒子當歌手？張崇基覺得將來再算，他說：「佢得7歲，而家只係諗玩，如果佢真係鍾意音樂都冇所謂，作為爸爸，我會用認識嘅去幫佢，又會分析呢行難處。」但首要當然希望兒子讀好書，有助正面思考事情，張崇基表示每當休息時，兒子便會提出一連串遊戲節目，要求他陪伴，張崇基說：「佢都好黐我，要玩就搵我，但瞓覺就搵媽咪。」