委內瑞拉麥當勞,事隔十個月,終於有返薯條供應啦!話說今年初,由於委內瑞拉薯仔庫存告急,所以麥當勞暫停供應。
《美聯社》報道,委內瑞拉麥當勞,喺今個星期一,已重新供應薯條。唔少麥當勞Fans,最初聽到薯條回歸當然好開心,不過當聽到價錢時,就好易面色一沉。
一包中薯條當地售500玻利瓦爾,相當於79美元或615港元。至於一包大薯條,售價800玻利瓦爾,相當於127美元或981港元。不過以委內瑞拉黑市匯率計,中薯條約售0.64美元,大薯條就約1.15美元。
好啦,你梗係諗住:黑市價都合理呀!咁你就錯了,因為同樣以黑市滙率計,當地最低工資一個月只係13美元!所以食一包大薯條,就等如食咗一個月9%人工!
委內瑞拉經濟目前陷入困局,不但出現惡性通脹,外滙儲備越縮越少,以及油價低迷。
事實上,委內瑞拉食物供應短缺,主要由於當地實施緊縮貨幣政策,令進口價急升。薯仔進口較上年大減85%,迫使麥當勞於1月份暫停薯條供應。
不過當地麥當勞發言人指,由於會改用當地出產嘅薯仔作食材,所以薯條重新推出後會與原本味道有所不同,至於麥當勞宣傳時嘅口號,將會係:「newflavor,speciallymadeinVenezuela.」
掌握財經生活資訊,即Like「蘋果ATM」fb專頁啦!
http://fb.com/appledailyatm