2017中國小姐決賽由40位入圍佳麗，選出最後10強，終於到咗泳衣環節，冇咗旗袍遮遮掩掩，身材係肥係瘦，答案出晒嚟。

驟眼睇，14號孫琬婷最有份量，谷得出心形胸都合情合理；1號台灣周冷霓送飛吻、13號高銘璐就笑容好好，行到鏡頭前張開雙手向大家打招呼，反而2號香港代表王曉敏就失色，pat pat有啲橙皮紋。

但最估唔到嘅係，決賽所着嘅泳衣，竟然同前日出席活動嗰套一樣嘅，除咗髮型同化妝，身上面搵唔到分別。

決賽delay一個鐘先開始，比賽結過要到11點50分左右先公佈到，冠軍係13號上海代表高銘璐，亞軍係1號台灣代表周冷霓，嚟自大家好陌生嘅呼和浩特代表郝娉婷就係季軍。至於香港代表王曉敏（翻版戴夢夢）就係第四名。