自由黨周永勤開記者會披露3度被威迫利誘最終棄選的經過，雖沒有提供實質證據，但期間金句連連，部分節錄如下：

1.「參選當日，被兩個人召去辦事處：不如你唔好再選，再選會搞到建制派攬炒，包括梁志祥同何君堯。」

2.「大家出席記者會，唔係要關心周永勤，要關心背後選舉係咪有人操控，如果係嘅話，呢次係香港人可以喺選舉自由投票嘅最後一次。」

3.「參選權係應該有，何況根據民調，我係微不足道，點解仲會覺得我係一個不穩定因素，而要減少我呢個不穩定因素嘅影響呢？」

4.「我嘅感覺係一個考試好勤力嘅學生，儘管成績唔係好好，但竟然有人同佢講你唔准考試，直到派成績表，你先好返嚟，究竟發生乜事？」

5.「梁振英叫我回應交代，佢希望梁粉入局同佢拍住上，有人盡得真傳，包括語言藝術。我完全知佢心態，希望香港人醒覺嘅話，投票攞番自己話語權，對抗操控選舉嘅形勢。」