噚日係《來自星星的你》嘅金秀賢26歲牛一，不過佢要趕拍《星星》，所以就冇得放假慶祝，而且今年已經係佢連續第四年係工作中過生日。

而本周三《星星》將會播出第18集，劇情會講到金秀賢飾演嘅都敏俊對千頌伊（全智賢飾）嘅感情越來越深，令佢對返是否返回自己星球感到進退兩難。至於本周四嘅第19集就有機會要直播冬奧而停播，詳情電視台會再作公佈。