香港中學文憑試（DSE）英文科卷一閱讀及閱二寫作今日開考。閱讀卷文章以近年大熱議題的食物車為題，既有引用財政司司長曾俊華介紹食物車，亦有引述福布斯、經濟學人等著名刊物的文章，要求考生從正反兩面講述引進食物車的好壞與影響。卷二寫作必答部分為撰寫演講詞，選答部分則有8條分別有關青年就業、選科、故事創作等題目。

廠商會中學英文科主任鄧美儀指：「呢份卷考生應該幾開心，因為程度我認為係歷屆最淺。」鄧又稱考評局所選文章得宜，「閱讀卷啲文算有趣，學生又易掌握，B1得兩個深字、B2就多深字啲，應該可以分到高低」。

對於有試場涉及提早收卷，曾任試場監考主任的鄧稱「考試時間有誤」情況很少見，因考評局有清晰指引，又指該情況或為監考員人為錯誤，「按常理不會出現」，提示考生要注意考試時間，亦應考慮自備手錶計時。

現代教育英文科補習老師PartickChan指英文卷一及卷二的難度下調，「佢問嘅問法都比較直接，無乜tricky位，相信學生合格唔係難度」，Partick又指考評局以學生自身經歷入題有助學生創作，「佢有條問搵工，有條講個學生想做演員，又有條問年青人係咪要敢於創新，呢啲問題都好貼近學生，對佢地嚟講會易啲處理」。

英文科閱讀卷考生除了必須回答卷A的必答部分，亦可於閱讀卷B選擇B1或B2，二選一，B1較淺，B2較深，惟作答B1的考生最高僅獲第4級成績。寫作卷則有一條必答題，另外有條8選1的寫作題目。