今次（16日）沙田日馬，編跑十一場草地賽，用C加三跑道角逐，有多匹初出自購馬或PPG（自購新馬）參與，形勢亂上加亂，又係出冷之局。

莫雷拉返港，潘頓成績比之前更理想，國際賽揚威，繼而在夜戰連中三元，強敵當前演出更加賣力，搏馬手風轉順，且跑完今次將停賽三期，必把握機會盡數糊。

另外，角逐第七場四班1400米的「好運」，上季柏寶視之如寶，經常親自操練，內圈朝朝踱步，可惜狀態進度未如理想，跑兩仗追近未有成績。

今季由楊明綸接手跑場1200米，起步論盡且跟唔住，早段太落後，直路卻追回不少失地。之後曾報跑1400米，卻因頭部受傷退出，不過只是小問題，毫無影響。

今次再增程1400米上陣，表情王蘇偉賢安排配何澤堯，早前已過檔試閘，起步好順利，只是落腳慢跟唔住，然而直路望空騎落好肯追，排位朝再彈泥閘，動態顯示，好有誠意在今場打硬仗。