TBS人氣日劇《逃跑雖可恥但有用》，今個星期嘅第7集都保持住13.6%不俗收視。呢套劇由新垣結衣擔任女主角，而劇中47歲嘅美魔女配角石田百合子，查實都十分搶鏡，佢以咁嘅年紀仍keep住省鏡外型，由樣貌到身形都保養得宜，令唔少女士都不知幾咁羨慕。

石田百合子同妹妹石田光喺圈中發展多年，細妹當年拍住木村拓哉合演日劇《愛情白皮書》，而家姐百合子於87年入行，下年係佢出道30周年，佢多年來拍過多套經典劇集，包括《101次求婚》、《一夜夫妻要結婚》等，99年同妹妹自組公司風鈴舍，百合子身兼社長及繼續發展女優事業。

百合子一直好注重健康，近年佢開Ig分享健美心得，佢透露一有時間就會做倒立減肥，當拍攝《逃跑雖可恥但有用》時，百合子更有抽時間喺休息室做倒立，達到鍛鍊肌肉效果。