一代宗師劉家良與癌魔抗戰十多年，上月25日因骨髓功能退化致併發症病逝，享年75歲。

昨日劉師傅在紅磡世界殯儀館舉殯，一身素服的遺孀翁靜晶與女兒，以及師傅一眾徒弟、徒孫一早到場打點；劉師傅前妻何秀霞則未有出現，只由兒子劉永強代表出席。

致悼辭期間，翁靜晶即場宣佈成立劉家良慈善基金，並率先捐出100萬，幫助龍虎武師及電影業界有需要的人，更披露了一個隱藏多年、關於邵逸夫爵士與劉師傅的秘密，原來師傅與邵氏拍每部戲都有簽合同，寫明會有香港同國際花紅，但這三十年來，師傅和翁靜晶都沒見過這花紅。

翁靜晶笑言:「相信呢筆錢，0依家冇5,000萬，都有500萬。」更打趣謂邵逸夫爵士善心、代他們保管這筆錢作投資，並呼籲邵逸夫爵士捐出這筆、本屬於劉師傅的花紅予慈善基金，幫助有需要的龍虎武師及電影人。

事後翁靜晶於facebook澄清今次是「募捐」，不是「追討」。解穢酒上，翁靜晶受訪時表示，今次追花紅，是為師傅完成一件未了的心事：「希望借機會了咗呢個願，啲錢唔係畀我，希望邵逸夫先生帶頭做第一個善長。」

翁靜晶續指昨日到靈堂致祭的王羽，也是過來人：「師傅(劉家良)對法律認識唔多，睇到份合約，會有一個好靚憧憬，不過只係望到，但得唔到。可能有人計漏睇漏，希望今次講完人哋會記得。」會否進行法律追討？她表示目前不是說這些的時候：「唔會搵中間人喇，當我細路仔唔識世界，又當幫師傅掹咗條刺。人窮思舊債，0依家基金好似BB咁，0依家唔講法律、講參與，希望邵爵士可以出一分力，主僕一場，係募捐，唔係揼心口。」

邵氏電影製作總監黃家禧昨日接受電話訪問時說：「唔回應，費事好似鬧交咁越描越黑。」

想知更多詳情，請留意今日娛樂頭條及動新聞。