教育局今年5月被揭於2013年向全港小學派發的普通話課程配套資料中，收錄文章指「香港漢族人的母語是漢語」，粵語只屬漢語的方言，惹起爭議，當時前立法會議員田北俊已在facebook「抽水」指如有人向你講港人母語是漢語，只需要用廣東話一隻字回敬即可。近日教育局局長楊潤雄受訪時稱中文發展未來會以普通話為主，質疑未來應否仍以廣東話學習中文會，擔心會因此失去優勢，田少今日在fb再出招，不點名嘲諷「算吧啦，唔好再兜啦！」

雖然楊潤雄連日來「澄清」，指廣東話未死，廣東話及普通話非對立，粵教中及普教中由學校自行決定，現行語言政策不會改變。田少在fb轉載相關新聞，強調做官應該是為市民服務，「唔係為咗獻媚，等無得撈之後可以鋪後路去選人大、做政協」，又落hashtag「#官場新常態」。網民均大讚田少是「靚抽王」，斥楊潤雄「敢做/講又唔敢認」，認為香港開埠以來也用廣東話教中文，「香港而家仲係國際城市，喺世界上仍有多少江湖地位，只係啲優勢係俾你哋班官同班狗奴才一手摧毀，真係講起都嬲」。

MagicSam Yip：田少簡直係靚抽王
Nate Ng：慳D啦！而家呢個政府班底做野個個都敢做/講又唔敢認
Bun So：香港開埠以來都係用廣東話教中文㗎局長，但係香港而家仲係國際城市，喺世界上仍有多少江湖地位，只係啲優勢係俾你哋班官同班狗奴才一手摧毀，真係講起都嬲，你班人渣垃圾快啲反省吓啦，唔好再害香港市民喇
Eva Mang：一個人最無恥就係連自己嘅立場都要出賣，仲要讀咁多書，枉為人官
Jerry Chu：田少好野，一招收局長皮，講就話支持Cantonese，但佢心入面仲係企硬要強制推廣mandarin，呢d就係「口不對心」，「作賊心虛」既例子