【新增影片】
立法會今日續審議無約束力的一地兩檢議案，在建制派大部分時間留守會議廳下，泛民首兩小時會議中，只能每小時點算人數一次，每次近14分鐘即夠法定人數開會。建制派議員亦繼續發言撐咁都講得出一地兩檢，工聯會何啟明指，希望香港日後可善用國內高鐵系統不同「花臣」，包括可在香港系統買國內出發的其他車的車票，「我係咪朝早可以香港出發，可以去到赤壁，去懷緬一下三國？」但他指內地高鐵上的飯盒「真係幾難食」，希望運房局局長陳帆繼續幫忙爭取更多福利。

工聯會黃國健發言時自行演譯代議政制的意義，就是在於議員在議會內作討論，否則只搞民間諮詢便可，「有啲嘢唔係樣樣都要直接面對巿民諮詢」，此言一出，即惹來隨後發言的民主黨許智峯批評，許對黃國健的言論感到好驚訝，議員不應在重大議題上自己「話晒事」，反問黃：「你咁都講得出，有無愧對選民？」

許智峯批評，工聯會多名議員聲稱代表民意，卻是經功能組別零票當選，批評建制派即使要向北京表忠，都要先解決高鐵的技術和長遠問題，批評建制派「坐哂喺度講歪理，對討論完全無幫助」，又指現時民意對一地兩檢問題「非常兩極化」，在政府不盡不實宣傳下，「都抵擋唔住好多人對一地兩檢的擔心」。

街工梁耀忠認為，前運房局局長鄭汝樺曾表明「無一地兩檢，（高鐵）唔等於無高速」，2016年律政司和運房局亦講過，不會將香港西九總站內任何範圍剔除於特區的區域範圍之外，2016年尾時任運房局局長張炳良亦指，任何具體落實的高鐵通關安排，一定需有社會同意和讓社會有充份機會表達意見，「但咁多樣嘢，今日有幾多樣嘢有兌現？」他批評政府現時聲稱一地兩檢是唯一方案，但從無作任何公眾諮詢，「政府呢啲唔係謊話係乜嘢？」